Almatyda tergeý ızolıatorynan qashqan qylmysker ustaldy
ALMATY. QazAqparat – Almatyda LA-155/18 mekemesinen qashqan qylmysker ustaldy, dep habarlaıdy QazAqparat tilshisi.
Qylmyskerdi túngi ýaqytta Almatynyń krımınaldyq polıtsııa qyzmetkerleri ustady.
«Túrksib aýdanynyń qylmystyq polıtsııa basqarmasy men polıtsııa bóliminiń qyzmetkerleri qylmyskerdi Soltústik aınalym kóshesindegi Qarasý shaǵynaýdanynda ustady. Qashý faktisi QR QK 426-baby 1-bóligi boıynsha tirkeldi», - dedi Almaty qalasy polıtsııa departamentiniń bastyǵy Arystanǵanı Zapparov.
Qylmysker adam óltirgeni úshin bıyl qyrkúıek aıynda sottalyp, 10 jylǵa bas bostandyǵynan aıyryldy.
Qashý faktisi boıynsha ІІM ózindik qaýipsizdik departamentiniń qyzmetkerleri tekserý júrgizetin bolady.
Eske salaıyq, Almatyda sottalǵan adamnyń tergeý ızolıatorynan qashyp ketkenin habarlanǵan bolatynbyz.
