Almatyda terezeden sekirip ketken qyzǵa qatysty qylmystyq is toqtaǵan joq - Polıtsııa
ALMATY. QazAqparat - Almatyda ekinshi qabattyń terezesinen sekirip ketken qyzǵa qatysty qylmystyq istiń toqtatylǵany týraly aqparat shyndyqqa janaspaıdy. Bul týraly Almaty qalalyq polıtsııa departamenti málim etti, dep habarlaıdy QazAqparat tilshisi.
«Tergeý Qylmystyq kodekstiń eki baby boıynsha jalǵasýda: 105-baby «Ózin-ózi óltirýge ıtermeleý» jáne 194-baby «Bopsalaý». Tergeý barysynda oqıǵanyń barlyq qatysýshylary men kýágerleri anyqtaldy. Basty kúdikti belgili boldy. Qazir jan-jaqtylyq, tolyqtyq jáne obektıvtilik qaǵıdattaryn qatań saqtaı otyryp, qajetti tergeý áreketteri júrgizilip jatyr. Qylmystyq istiń toqtatylǵany týraly aqparat shyndyqqa janaspaıdy»,- dep habarlady polıtsııadan.
Polıtsııadan málim etkendeı, qyzdy uryp-soǵyp jatqan beınege qatysty tergeý oqıǵa 2022 jyldyń jeltoqsan aıynda Shymkent qalasynda kúdikti men onyń tanysynyń qatysýymen bolǵanyn anyqtady.
«Alaıda bul derek boıynsha polıtsııaǵa shaǵymdar túsken joq. Polıtseıler jábirlenýshini izdestirip jatyr. Tergeý barysy Almaty qalalyq PD basshylyǵynyń baqylaýynda»,- dep atap ótti vedomstvodan.
