Almatyda tereze jýyp jatqan alpınıst bıikten qulap kóz jumdy
ALMATY. QazAqpara - Almatyda kópqabatty turǵyn úılerdiń biriniń terezesin jýyp jatqan 27 jastaǵy óndiristik alpınıst bıikten qulap kóz jumdy, dep habarlaıdy QazAqparat tilshisi.
Qaıǵyly jaǵdaı Almaty qalasynyń Bostandyq aýdanynda boldy.
Qalalyq polıtsııa alpınıstiń oqıǵa ornynda qaza tapqanyn rastady.
«1995 jyly týǵan azamat bıikten qulap ketti. Ol oqıǵa ornynda qaza tapty. Sot-medıtsınalyq saraptama taǵaıyndaldy. Mán-jaı anyqtalyp jatyr. Bul fakti Bostandyq aýdandyq polıtsııa bóliminde tirkeldi», - dep habarlady qalalyq polıtsııa departamentiniń baspasóz qyzmeti.
Eske sala keteıik, byltyr qarasha aıynda «Jetisý» shaǵynaýdanynda kópqabatty úılerdiń biriniń terezesinen 28 jastaǵy áıel men onyń 2015, 2016 jáne 2019 jyly týǵan úsh kishkentaı balasy 9-qabattyń terezesinen sekirip ketken edi.
Áıel men eki balasy oqıǵa ornynda kóz jumdy. Taǵy bir bala jedel járdem kóliginde qaıtys boldy.
