Almatyda «Terapııanyń ózekti máseleleri» atty ǵylymı-tájirıbelik konferentsııa ótip jatyr
ALMATY. 3 jeltoqsan. QazAqparat /Ádilet Musahaev/- Almatyda kórnekti dáriger, medıtsına ǵylymdarynyń doktory, professor Orynǵaly Ádıbaevtyń 70 jyldyǵyna arnalǵan «Terapııanyń ózekti máseleleri» atty ǵylymı-tájirıbelik konferentsııa ótip jatyr.
Atalǵan sharaǵa O. Ádıbaevtyń birge oqyǵan jáne qyzmettes bolǵan dostary men týǵan- týystary qatysýda.
Jıyn barysynda professordyń medıtsına ǵylymyna, sonyń ishinde terapııa salasyna qosqan eren eńbekteri men jetistikteri baıandaldy. «Orynǵaly kózi tirisinde halqy úshin kóp eńbek etken adam. Sonymen qatar kóptegen shákirt tárbılep shyǵarǵan jan. Ǵalym ómirden ótkenimen, artynda baǵa jetpes eńbekteri qaldy», - deıdi Almaty memlekettik dárigerlerdi jetildirý ınsıtýtynyń prorektory Álıhan Júsipov.
Shara barysynda Reseıden jáne elimizdiń basqa aımaqtarynan kelgen ǵalymdar birneshe taqyrypta baıandamalar jasap, talqylady.
Atalǵan sharany Almaty Memlekettik dárigerlerdiń biliktiligin jetildirý ınsıtýtynyń terapııa kafedrasy men ınsýltpen kúres jónindegi Qazaqstan Ulttyq qaýymdastyǵy uıymdastyryp otyr.
