Almatyda tennısten Qazaqstannyń 5-shi jazǵy spartakıadasy ótip jatyr
ALMATY. QazAqparat – Almatydaǵy TsSKA tennıs ortalyǵynda 14 jastan joǵary sportshylar arasynda tennısten Qazaqstannyń V jazǵy spartakıadasy ótip jatyr, dep habarlaıdy QazAqparat tilshisi.
Osy aptada Nur Sultan, Almaty, Shymkent qalalary men Aqmola, Aqtóbe, Almaty, Qaraǵandy, Qyzylorda, Mańǵystaý, Pavlodar, Jambyl, Shyǵys Qazaqstan, Qostanaı, Soltústik Qazaqstan oblystarynan kelgen 100-den astam tennısshiler ózara synǵa túsip, myqtylar anyqtalady.
Qatysýshylar arasynda Qazaqstan ulttyq quramasynyń músheleri men ataqty sportshylar bar. Atap aıtsaq, Tımýr Habıbýllın, Denıs Evseev, Grıgorıı Lomakın, Dastanbek Tashbulatov, Tımofeı Skatov, Anna Danılına, Darıa Detkovskaıa, Elızaveta Karlova, Gozal Aınıtdınova,Jibek Kulmabaeva jáne basqalar.
«Jazǵy tennıs oıyndary - bul bizdiń sportshylar úshin «kishi olımpıada».Tennıstiń 4 jylda bir ret ótetin, iri jarystarda usynylatyn 40 sport túrine engeni qýantady»,-deıdi QR tennıs federatsııasynyń Almaty fılıaly dırektorynyń orynbasary Andreı Kvasov.
Almaty qalalyq sport basqarmasynyń bólim bastyǵy Álııa Smaqova jyl saıyn sportshylar men tennıs áýesqoılarynyń sanynyń ósip kele jatqanyn aıtty.Ol qatysýshylardy sport merekesimen quttyqtap, barlyǵyna sáttilik tiledi.
10 tamyzda Almatyda barlyq sport túrlerinen V jazǵy spartakıadanyń jabylý rásimi ótedi.
