Almatyda tennısten halyqaralyq týrnır bastaldy
NUR-SULTAN. QazAqparat - Almatyda tennısten erler arasynda chellendjer týrnıri bastaldy, dep habarlaıdy QazAqparat tilshisi.
Aıtýly dodaǵa Qazaqstannan Aleksandr Nedovesov, Denıs Evseev, Andreı Golýbev, Tımofeı Skatov syndy tennısshiler qatysady.
Dúnıejúzilik reıtıngte 308-orynda turǵan D.Evseev alǵashqy aınalymda álemniń 274-raketkasy, shveıtsarııalyq Mark-Andrea Hıýslermen kezdesedi.
Reıtıngte 615-satydaǵy T.Skatov álemniń 323-raketkasy, argentınalyq Andrea Kollarınımen kortqa shyǵady.
Taǵy bir qazaqstandyq, 601-oryndaǵy A.Golýbev reıtıngte 262-satyda turǵan ıspanııalyq Nıkola Kýnmen sheberlik baıqasady.
Osy týrnırdiń 8-raketkasy bolyp tirkelgen, reıtıngte 189-satydaǵy A.Nedovesov jarysty ekinshi aınalymnan bastaıdy.
Eske sala keteıik, budan buryn Kýkýshkınniń juptyq synda «Rolan Garros» týrnıriniń shırek fınalyna shyqqanyn jazǵan bolatynbyz.
Mıhaıl Kýkýshkın belgııalyq Ioran Flıgenmen birge «Rolan Garrostyń» jartylaı fınalyna shyǵý úshin búgin osy jarystyń 3-raketkalary, kolýmbııalyqtar Hýan-Sebastıan Kabal men Robert Farahpen talasady.
