Almatyda tennısten balalar men jasóspirimder týrnıri bastaldy
ALMATY. 10 maýsym. QazAqparat /Erlik Erjanuly/ - Búgin Almatyda 1-dárejeli mindetti týrnırler serııasy boıynsha tennısten balalar men jasóspirimder týrnıriniń jalaýy kóterildi.
Jarystyń alǵashqy kúni úmitkerlerdi tirkeý, jerebe tastaý men irikteý kezeńi saıystary bastaldy. Oǵan halyqaralyq dárejedegi tóreshi Anton Ignatchenko bastaǵan qazylar alqasy tórelik jasaýda.
Jalpy bul QR Tennıs federatsııasynyń 2010 jyly 1996-1997 jáne 1998 jylǵylar men odan kishi jastaǵylar arasynda 2 dáreje boıynsha «Jyl oıynshysy» atalymy boıynsha ótkizip kele jatqan jańa jobasy. Onda jarys 2 jeńiliske deıingi olımpıadalyq jetildirilgen júıe boıynsha ótedi. Árbir match taı-breık júıesi boıynsha 3 setten turady. Bıyl oǵan 1997-1998 jylyǵylar jáne 1999 jyly týǵandar men odan kishi jastaǵylar qatysady. Aqtyq saıys 18 maýsymda ótedi. Kelesi mindetti týrnır balalar men jasóspirimder arasynda Almatyda budan keıin 4-8 shilde kúnderi bolady dep josparlanýda.
