Almatyda tennısten áıelden arasynda Halyqaralyq tennıs federatsııasy serııasyndaǵy halyqaralyq týrnır bastaldy
ALMATY. Sáýirdiń 19-y. QazAqparat /Erlik Erjanuly/ - Búgin Almatyda ITF Pro Circuit events serııasyndaǵy «Almaty Women's» halyqaralyq týrnıri bastaldy, dep habarlaıdy QazAqparat.
Júlde qory 10 myń AQSh dollaryn quraıtyn bul dúbirli dodany Qazaqstan tennıs federatsııasy men Qazaqstan tennıs týrlary birigip uıymdastyrdy. «Gorky Tennis Park» tennıs ortalyǵyndaǵy bul jarys jabyq keshende ótip jatyr. Oǵan - Anglııa, Belorýs, Bolgarııa, Brazılııa, Izraıl, Grýzııa, Qyrǵyzstan, Ózbekstan, Reseı, Túrikmenstan, Ýkraına sııaqty elderden 32 sportshy qatysýda. Olarǵa Kırıll Parfenov bastaǵan qazylar alqasy tórelik jasaýda.
14 jastan joǵarǵy sportshylar arasyndaǵy bul týrnır byltyr shildeniń 27-si men tamyzdyń 4-i aralyǵynda ótken edi. Júlde qory 25 myń dollardy quraǵan básekege jarys qojaıyndarynan basqa AQSh, Izraıl Reseı, Germanııa, Ózbekstan, Polsha, Chehııa, Serbııa, Slovakııa, Ýkraına, Latvııa, Koreıa, Avstrııa elderinen sportshlar qatysty. Oǵan ózbekstandyq Andreı Kornılov bastaǵan qazylar tórelik etken bolatyn.
