Almatyda tennıs ortalyǵy, shańǵy tramplıni men sport keshenderi salyndy

ALMATY. QazAqparat - Pandemııaǵa qaramastan Almatynyń Bostandyq aýdanynda jańa sport ǵımarattary salynyp jatyr. Bul týraly brıfıng barysynda aýdan ákimi Altaı Rahymbetov aıtty, dep habarlaıdy QazAqparat tilshisi.

«Biz buqaralyq sportty damytýdamyz. Sporttyq ınfraqurylymdy bıýdjet esebinen de, ınvestorlar esebinen de nyǵaıtyp jatyrmyz. Bıyl jyl boıy jumys isteıtin «Jandosym» tennıs ortalyǵynyń qurylysy aıaqtaldy. Táýliktik ótkizý qabileti - 200 adam», - dedi Altaı Rahymbetov.

Aýdan ákimi «Suńqar» shańǵy tramplınderiniń ekinshi kezeginiń qurylysy aıaqtalǵanyn atap ótti.

Onda 580 oryndy minberi bar ámbebap zal, jabyq júzý basseıni men qonaq úı kesheni ornalasatyn bolady. Táýliktik ótkizý qabileti - 940 adam.

Shampion jeke qorynyń qoldaýymen zamanaýı MyWin sport kesheniniń qurylysy bastaldy, onda ámbebap zal men basseın ornalasady.

Aıaqtalý merzimi 2022 jylǵa josparlanǵan.

Spıker almatylyqtardyń sport súıer qaýym ekenin, bul súıispenshilik mektep qabyrǵasynan paıda bolatynyn tilge tıek etti.

«Mysaly, aýdannyń mektepterinde, JOO men kolledjderinde 400-ge jýyq tegin sektsııa jumys isteıdi, onda 20 myńnan astam oqýshy men stýdent jattyǵady. Sonymen qatar, 15 sport alańynda fýtbol, basketbol, vorkaýt jáne tennıs boıynsha tegin jattyǵýlar ótkiziledi.