Almatyda Tennıs akademııasy ashyldy
ATY. 30 naýryz. QazAqparat /Názıra Eleýhan/ - Búgin Almatyda «Tennis.kz» Tennıs akademııasynyń ashylý saltanaty boldy. Sharaǵa qala ákimi Ahmetjan Esimov qatysty.
Qazaqstandyq jańa býyn tennısshilerine Ortalyq Azııa men TMD elderindegi eń úzdik keshen usynyldy. Munda jeti jabyq jáne jeti ashyq kort, aerobıka, gımnastıka, fıtnes-zaldary, sporttyq bar, saýna, atalmysh sportpen aınalysýǵa qajetti zattar satatyn arnaıy dúken, massaj kabınetteri bar.
Qala basshysy ashylý saltanatynda akademııanyń basshylaryna jeke negizde ashylǵan sporttyq keshenniń qurylysy men elimizdegi tennıs sportynyń damýyna qosyp otyrǵan úlesteri úshin alǵysyn bildirdi. «Elimizde ótken qysqy Azııa oıyndary buqaralyq sporttyń damýyna yqpal etti. Almaty qalasynyń ózinde qala turǵyndary sportpen kóbirek aınalysa bastady jáne densaýlyqtaryna kóńil bólip, nazar aýdara bastady, árıne bul jaǵdaı bizdi qýantady», -dedi A. Esimov.
Tennıs akademııasy Mıýnhen Tennıs akademııasynyń fılıaly retinde 2009 jyldyń shilde aıynda quryldy. Negizgi bazasy Almatyda ornalasqan. Búginde Akademııada 5-jastan 17 jasqa deıingi 100-den asa jas tennısshiler bul sporttyń túrin úırenýde. Munda sonymen qatar, barlyq jastaǵy áýesqoılarǵa arnalǵan kýrstar bar.
Akademııa Professional Tennis Registry (PTR) tennısi boıynsha halyqaralyq jattyqtyrýshylar uıymynyń múshesi bolyp tabylady.
