Almatyda "Tenderge túsken kelinshek" degen dramanyń tusaýkeseri ótti

Qoıylymnyń avtory - M. Sárseke, qoıýshy-rejısseri - O. Kenebaev, qoıýshy-sýretshisi - Erlan Tuıaqov, mýzykamen kórkemdeýshi- E. Esenbaev. Onda basty rólderdi QR Eńbek sińirgen qaıratkeri, Jastar odaǵy syılyǵynyń laýreaty Darııa Júsip ("Saǵıla"), QR Eńbek sińirgen qaıratkeri, Memlekettik "Daryn" syılyǵynyń laýreaty Bekjan Turys ("Taýbaı") pen Saltanat Baqaeva ("Aınagúl"), Azat Seıitmetov ("Jorabek"), Janat Tıynbaev ("Sergeı") sııaqty jas ártister somdap shyqty.

Drama kóligimen jol boıynda turǵan kisini qaǵyp ketken jalǵyz uldaryn para berip sottan qutqarmaq bolǵan erli-zaıypty Saǵıla men Taýbaı týraly. Onda baýyr eti balasy úshin tergeýshi suraǵan 100 myń dollardy taba almaǵan Saǵıla múgedek kúıeýi Taýbaımen ajyrasyp, bir kezderi sońynan qalmaǵan Jorabekke turmysqa shyǵýǵa májbúr bolady. Al mundaı aýyr soqqyǵa shydaı almaǵan otaǵasy úıinen bezip, "kezbege" aınalady.