Almatyda temirjolshylar kúnine arnalǵan merekelik shara ótti
ALMATY. Shildeniń 31-i. QazAqparat /Erbol Azanbek/ - Búgin Almatynyń Túrksib aýdanyndaǵy S.Seıfýllın atyndaǵy baǵynda Temirjol, kólik jáne baılanys kúnine arnalǵan merekelik shara ótti, dep habarlaıdy QazAqparat.
Saltanatty sharaǵa aýdan ákimi Vladımır Ýstıýgov, qalalyq máslıhat depýtattary, temirjolshylar qatysty. Aýdan ákimi temirjol qyzmetkerlerin aldaǵy kásibı merekelerimen quttyqtap, qurmet gramotalaryn tapsyrdy. Shara sońynda saltanatty kontsert qoıyldy. Esterińizge sala keteıik Elbasy Nursultan Nazarbaevtyń 2003 jylǵy qarashanyń 15-indegi Jarlyǵyna sáıkes, tamyzdyń birinshi jeksenbisi Temirjolshylar men Kólik jáne baılanys kúni bolyp belgilengen. Bul kún sondaı-aq búkil TMD aýmaǵynda temirjolshylar kúni retinde de atalyp ótiledi.
