Almatyda temirjol qyzmetkerine oq atyp, jaraqattap ketken

ALMATY. QazAqparat - Almatyda temirjolshyǵa belgisiz bireý oq atty, dep habarlaıdy QazAqparat tilshisi.

Polıtsııa departamentiniń málimetinshe, Almaty qalasynyń 34 jastaǵy turǵyny temirjol qyzmetkerin óltirýge áreket jasady.

«26 shildede Kóliktegi polıtsııa departamentiniń Almaty-1 stantsııasyndaǵy jelilik polıtsııa basqarmasynyń kezekshi bólimine N. esimdi er adamǵa shabýyl jasalǵany, sonyń saldarynan ol oqtan jaraqattanǵany týraly habarlama kelip tústi. Júrgizilgen jedel-izdestirý sharalary barysynda kúdikti anyqtalyp, ustaldy. Kúdiktiden «Nagan revolveri tárkilendi», - dedi Kóliktegi polıtsııa departamenti basshysy Ońal Bekeev.

Bul fakti boıynsha sotqa deıingi tergeý júrgizilip jatyr.