Almatyda temirjol boıyndaǵy elektr symdary órtendi
ALMATY. QazAqparat – Almatyda temirjol ústimen ótetin elektr symdarynan órt shyqty, dep habarlaıdy QazAqparat tilshisi.
Vıdeo áleýmettik jelide tarady. «Toǵaıda symdar órtenýde»,- delinedi postta.
«Qazaqstan temir joly» UK» AQ baspasóz qyzmetiniń málimetinshe, 6 qazan kúni, saǵat 07:50-de Almaty-1 – Almaty-2 temirjol aralyǵynda temirjolǵa jaqyn ornalasqan nysandardy elektrmen qamtamasyz etýge arnalǵan elektr symdaryna aǵash butaǵy qulaǵan.
«Almaty elektrmen jabdyqtaý dıstantsııasynyń qyzmetkerleri oqıǵa ornyn jedel túrde toktan ajyratylyp, symdardan aǵash butaǵy alyp tastady. Keıin elektr energııasy qaıta berildi. Atalǵan máselege baılanysty poıyzdardyń keshigýi jáne eshqandaı zardaptar bolǵan joq»,- dep jaýap berdi QTJ baspasóz qyzmetinde.
