Almatyda temirjol aýrýhanasy qaıta jańǵyrtylady
ALMATY. QazAqparat - Almatyda «Abaı-Masanshy» kósheleriniń qıylysynda ornalasqan temirjol aýrýhanasy qaıta jańǵyrtylady. Munda zamanaýı balalardy ońaltý ortalyǵy paıda bolady, dep habarlaıdy QazAqparat tilshisi.
«Abaı dańǵyly men Masanshy kóshesiniń qıylysynda ornalasqan temirjol aýrýhanasy dep ketken ǵımarat qala ákimshiligine berildi. Munda qaıta qurý jáne kúrdeli jóndeý jumystaryn júrgizý josparlanyp otyr. Aldaǵy ýaqytta munda ońaltý ortalyǵy paıda bolady. Qurylys jumystaryn kelesi jyldyń qarasha aıynda aıaqtaý josparlanyp otyr», - dedi Almaty qoǵamdyq densaýlyq saqtaý basqarmasynyń bastyǵy Narıman Tabynbaev tanystyrylym barysynda.
Almaty ákimi Baqytjan Saǵyntaev onyń zamanaýı balalardy ońaltý ortalyǵy bolatynyn aıtty.
Narıman Tabynbaevtyń aıtýynsha, qalada birqatar ǵımarattardy qaıta qurý qolǵa alynǵanyn tilge tıek etti. Atap aıtar bolsaq, Pallıatıvtik kómek ortalyǵy, 250 oryndyq JITS ortalyǵy, 250 oryndyq onkologııalyq ortalyq, 150 oryndyq múgedekterge arnalǵan ońaltý ortalyǵy, kópsalaly klınıka ( 200 tósekke arnalǵan).
