Almatyda teleradıo habarlaryn taratýdy retteý týraly konferentsııa ótip jatyr
ALMATY. 30 mamyr. QazAqparat - Bul teleradıo habarlaryn taratý salasy men memlekettik organ ókilderiniń arasyndaǵy suhbattyń kezekti satysy bolyp otyr.
QR Mádenıet jáne aqparat mınıstrliginiń Strategııalyq josparlaý jáne halyqaralyq yntymaqtastyq departamenti dırektorynyń orynbasary Marat Ábsattarov búgin Almatyda ótip jatqan «Qoǵam men sala qyzyǵýshylyǵy úshin Qazaqstandaǵy teleradıo habarlaryn taratýdy retteý» dep atalatyn konferentsııada osylaı aıtty.
Máslıhatty Soros-Qazaqstan qorynyń qoldaýmen Qazaqstannyń teledadıo habarlaryn taratýshylar ulttyq qaýymdastyǵy jáne «Ádil sóz» halyqaralyq sóz bostandyǵyn qorǵaý qory birlesip uıymdastyrdy. 2011 jyly 28 jeltoqsanda QR Parlament Senaty «Teleradıo habarlaryn taratý týraly» Zańdy qabyldaǵan edi. Bul qujattyń resmı ázirleýshisi QR Baılanys jáne aqparat mınıstrligi boldy.
«Teleradıo habarlaryn taratýshylar men memlekettik organdardyń qatysqan mundaı sharalar zań jobasyn talqylaý kezinde buryn da ótkizilgen bolatyn. Suhbat alańy retinde ol kókeıkesti máseleler boıynsha ózara pikir almasýǵa septigin tıgizdi. Ony júzege asyrýdyń ózekti problemalary búgingi basqosýda da jan-jaqty talqylanatyn bolady. Ázirge qandaı da bir máseleni bóle-jaryp aıtýǵa erte», - deıdi M. Ábsattarov.
