Almatyda tekserý júrgizý tártibin reformalaý týraly dóńgelek ústel jıyny ótip jatyr
ALMATY. Qańtardyń 20-sy. QazAqparat /Erlik Erjanuly/ - Aqpannyń 2-sinen keıin bıznes qurylymdarynda josparly tekserý azaıady. Bul búgin Almatyda táýekeldi basqarý júıesi boıynsha tekserý júrgizý tártibin reformalaý týraly dóńgelek ústel jıynynda aıtyldy,
dep habarlaıdy QazAqparat.
Ony Ekonomıka jáne bıýdjettik josparlaý mınıstrliginiń qoldaýymen ıÝSAID-tyń Qazaqstandaǵy bıznestik ortany jaqsartý jobasy (VEІ) men Qazaqstan kásipkerleri forýmy birigip uıymdastyrdy. Bul shara táýekeldi basqarý júıesi boıynsha tekserý júrgizý tártibin reformalaý jáne "Jeke kásipkerlik týraly" zań, respýblıkadaǵy ruqsat berý júıesin jetildirý máseleleri boıynsha tujyrymdamadaǵy ózgerister men túzetýlerdi júzege asyrýdyń qorytyndylaryn talqylaýǵa arnalǵan bolatyn. Onda sondaı-aq, sýbektilerdi táýekel tobyna bólý krıterııleri jáne zań jaǵdaıyna sáıkes - táýekel toby quramyn anyqtaý; Tekserý paraqshasyn taǵaıyndaý jáne ony engizý maqsaty; Tekserýshi jáne tekserilýshiniń tekserý júrgizýdegi quqyqtary men mindetteri; Tekserý qorytyndylary boıynsha shaǵymdaný tártibine túsindirmeler jasalýda. "Jeke kásipkerlik týraly" QR Zańyna engizilgen túzetýler boıynsha táýekeldi basqarý krıterııleri men memlekettik organdardyń tekserý paraqshalary maquldaý týraly mınıstrlikter arasynda birlesken buıryq daıyndalǵan bolatyn. Ekonomıka jáne bıýdjettik josparlaý mınıstrliginiń Kásipkerlikti damytý departamentiniń jetekshisi Rústem Aqberdınniń aıtýynsha, aqpannyń 2-sinen bastap tekserý paraqshalary engiziledi. Bul memlekettik organdardyń bıznes qurylymdaryndaǵy josparly tekserý jumystaryn kúrt azaıtpaq.
