Almatyda tekserister kezinde tárkilengen oıyn avtomattary halyqtyń kózinshe joıyldy
ALMATY. Qarashanyń 13-i. QazAqparat /Erbol Azanbek/ - Búgin Almatyda zańsyz kazınolar men oıyn zaldarynan alynǵan 330 oıyn avtomaty halyqtyń kóz aldynda traktormen taptalyp, joıyldy,
dep habarlaıdy QazAqparat.
«Osy jazda qala prokýrorynyń bastamasymen vedomstvoaralyq tekserý júrgizilgen bolatyn. Osy shara aıasynda shildeniń 22-23-i kúnderi 10 oıyn salony tekserilip, 330 oıyn apparaty tárikilengen edi. Jaqynda osy avtomattarǵa baılanysty sot sheshimi shyqty. Mine endi osylar jurtshylyq aldynda joıylyp otyr», deıdi qalalyq ІІD-niń qoǵamdyq qaýipsizdik basqarmasynyń bastyǵy, polkovnık Nurlan Almasbekov.
Onyń aıtýynsha, oıyn avtomattaryn bulaısha joıý zańdy buzýshylarǵa sabaq bolady. Búgin joıylǵan avtomattardyń árbiriniń ortasha quny 10 myń dollar kóleminde. Aldaǵy ýaqytta da bul baǵyttaǵy jumys jalǵasyn tabady», deıdi N.Almasbekov.
