Almatyda tek 3 kompanııa úleskerlerdiń aqshasyn tarta alady - qalalyq prokýratýra

ALMATY. QazAqparat - Almaty prokýratýrasy úleskerlerden qarjy tartýǵa qaqysy bar 3 kompanııany atady, dep habarlaıdy QazAqparat tilshisi.

Mekemeniń baspasóz qyzmeti habarlaǵandaı, kóptegen qurylys kompanııalary adamdardy aldap úleskerlikke aqshasyn alyp kelgen.

Úleskerlerdiń quqyǵyn qorǵaý maqsatynda «QR Turǵyn úı qurylysynda úleskerlik qatysý týraly» zań  qabyldandy.

Zań normalary úleskerlerdiń qurylys barysyndaǵy quqyǵyn kepildendirýge baǵyttalǵan.

Atalǵan zańǵa sáıkes endi qurylys kompanııalary ákimdiktiń arnaıy ruqsatymen ǵana úleskerlerdiń aqshasyn tarta alady.

Sondaı-aq, qurylys kompanııasy turǵyn úı qurylysyn kepildendirý qorynyń jobasyna qatysýy shart. Óıtkeni, bul qor qurylystyń aıaqtalatynyna kepildik beredi.

Búgingi tańda Almatyda tek 3 kompanııa ǵana úleskerlerdiń aqshasyn paıdalanýǵa quqyly.

«Egizbaev 7A mekenjaıy boıynsha 12 qabatty úılerdi (9,10 núkte) salyp jatqan, ókiletti kompanııasy «Astana Realty Plus» JShS bolyp keletin «Mereke NS» JShS;  

Alataý aýdany Aınabulaq shaǵyn aýdanyndaǵy, 1-kóshe, №43 ýchaskede (20 núkte) úı salyp jatqan «Stroı Komfort Development» JShS ókilettiligindegi «Korporatsııa BAZIS-A» korporatsııasy JShS;

Alataý aýdany Aınabulaq shaǵyn aýdanyndaǵy, 1-kóshe, №43 ýchaskede (21 núkte) úı salyp jatqan «Stroı Komfort Development» JShS ókilettiligindegi  «Korporatsııa BAZIS-A» korporatsııasy JShS úleskerlerdiń aqshasyna úı salýǵa quqyly», - dedi baspasóz qyzmetinen.

Prokýratýra ókilderi azamattarǵa kez-kelgen qurylysqa úlesker bolýǵa bolmaıtynyn eskertip otyr.  Eń aldymen úleskermen tıptik kelisim jasalýy kerek. Bul qujattary bolmaǵan jaǵdaıda mámile zańsyz dep tanylýy múmkin.