Almatyda "Tehnologııalardy kommertsıalızatsııaldaý" jobasynyń tusaýkeri jasaldy
ALMATY. Qazannyń 4-i. QazAqparat /Erlik Erjanuly/ - Jobalary Halyqaralyq ǵylymı jáne kommertsııalızatsııalaý jónindegi keńeste maquldanǵan ǵylymı ınstıtýttar endi kiris kóziniń tórtten birin ózderi tabatyn bolady. Bul búgin Almatyda ótip jatqan "Tehnologııalardy kommertsıalızatsııalaý" jobasyn iske qosýǵa arnalǵan sımpozıýmda aıtyldy,
dep habarlaıdy QazAqparat.
"Shetelde kompanııalar ınnovatsııaǵa óz tabysynyń 30-40 paıyzyn jumsaıdy. Onyń kólemi ár eldiń ál-aýqatyna, ekonomıkalyq damýyna baılanysty ártúrli. Qazaqstanda bul óte tómengi deńgeıde. Sondyqtan bilim jáne ǵylym mınıstrligi men Búkilálemdik banktiń bul jobasy júzege asqannan keıin bizde de 30-40 paıyz bolady dep men aıta almaımyn", deıdi bilim jáne ǵylym vıtse-mınıstri Mahmetǵalı Sarybekov. Onyń aıtýynsha, mınıstrliktiń bastamasymen júzege asyrylyp jatqan bul jobanyń maqsaty elimizdegi kommertsııalyq máni bar ozyq ǵylymı zertteýler men ázirlemelerdi kórsetý. Ol ǵylymı-zertteý jáne tájirıbelik-qurylymdyq jumystardy (ǴZTQJ) qaıta qalpyna keltirýge, damytýǵa, qurylymdaýǵa, sondaı-aq olardy ulttyq jáne halyqaralyq tehnologııalar naryǵymen baılanystyrýǵa kómektesý. Joba júzege asqan kezde qazaqstandyq ǵylym otandyq jáne sheteldik óndiristik ónerkásiptermen tyǵyz baılanystar ornatady. Ǵylymı-zertteý qyzmetteri halyqaralyq ǵylymı qoǵamdarmen pánaralyq jáne máseleli-baǵyttyq negizde iske asyratyn bolady.
Jalpy quny 75 mıllıon AQSh dollaryn quraıtyn bul jobanyń 61,6 mıllıony Úkimetten, al 13,4 mıllıony Búkilámdik banktiń zaemymen qarjylandyrylmaq. Qaryz 5 jyldyq jeńildikpen 15 jyl merzimge beriledi. Bul joba 3 quramnan turady. Birinshisi, Qazaqstanyń ǵylymı bazasyn nyǵaıtý úshin básekege qabiletti baǵdarlamalyq-granttardan, joǵary sapaly ǴZTQJ jáne zamanaýı quraldarmen jabdyqtalǵan ortalyqty qoldaýdan. Ekinshisi, qazaqstandyq ǵalymdardy jergilikti jáne halyqaralyq tehnologııalar naryǵymen baılanystyratyn Tehnologııalardy kommertsıalızatsııalaý keńsesi. Úshinshisi, jobany iske asyratyn Jobany basqarý tobyn qurý.
