Almatyda tehnogendik apat saldarlarynan qorǵaýdyń quraly týraly alqaly jıyn ótedi
ALMATY. 4 qazan. QazAqparat /Erlik Erjanuly/ - Almatyda 6 qazan kúni «Saqtandyrý - tehnogendik apat saldarlarynan qorǵaýdyń quraly retinde» dep atalatyn dóńgelek ústel jıyny bolady. Bul sharany «Saqtandyrý naryǵy» jýrnaly uıymdastyryp otyr.
Oǵan saqtandyrý naryǵynyń kásibı qatysýshylary, Qazaqstan qarjygerler qaýymdastyǵy, QR Ulttyq banki, Aýyl sharýashylyǵy mınıstrliginiń Sý resýrstary komıteti, Tóteshe jaǵdaılar mıntstrliginiń ókilderi men Halyqaralyq Araldy qutqarý qorynyń jetekshileri qatyspaq. Májilis barsynda Qazaqstannyń saqtandyrý naryǵyna júrgizilgen zertteý jumysynyń qorytyndysy tanystyrylady dep josparlanýda.
"Qazirgi tańda Qazaqstanda 643 gıdrotehnıkalyq qurylystar bar. Onyń 270-si sý qoımalary, 560-sy bógetter. Barlyq iri qurylystar keńestik kezeńde 30-40 jyl buryn salynǵan. Olarda sońǵy 20 jylda aǵymdaǵy jáne kúrdeldi jóndeý jumystary óz deńgeıinde júrgizilip jatqan joq. Gıdrotehnıkalyq qurylystardaǵy iri apattardyń shyǵyn kólemi sońǵy birneshe jylda 30 mıllıard teńgeden asty. Bul jalpy ishki ónimniń 0,14 paıyzyn quraıdy", - deıdi «Saqtandyrý naryǵy» jýrnalynyń redaktory Marına Shıpalova.
