Almatyda tehnıkalyq jáne kásiptik bilim berý salasynda kadrlardy daıarlaý sapasy talqylandy
Keńeske kolledj dırektorlary men sarapshylar qatysty. Jınalǵandar óńirlik erekshelikterdi, ónerkásip oryndaryna qajetti mamandardy, «Bastaý Bıznes» jobasynyń «Eńbek» baǵdarlamasy aıasynda qysqa merzimdi kýrstarda oqytý boıynsha júrgizilip jatqan jumys pen mamandardy daıarlaý máselelerin qarady.
Almaty qalasy Bilim basqarmasynyń málimetinshe, qazirgi kezde 83 qalalyq kolledjde 73 myńǵa jýyq stýdent bilim alyp jatyr. Bul rette 50%-dan astamy – memlekettik tapsyrys boıynsha.
Qalanyń iri kásiporyndarynyń deregi boıynsha shtattyq qyzmetkerlerdiń 70%-y kolledjder túlekteri. TjKB salasynyń róli artyp keledi.
Qala ákimi Baqtjan Saǵyntaev orta býyn mamandaryn daıarlaý tásilderin qaıta qaraýdy tapsyrdy. Qalada turǵyn úı-kommýnaldyq sharýashylyǵynyń, ınjenerlik ınfraqurylymnyń bilikti qyzmetkerleri qajet. Avtoparkterde júrgizýshiler men mehanıkter tapshy. Qurylys sektorynda jumysshylar jetispeıdi.
Sondyqtan daıyndyq sapasyn arttyrý maqsatynda mektepterdi ǵana emes, qosymsha bilim berý uıymdary men múddeli uıymdardy da tarta otyryp, oqýshylardyń erte kásiptik baǵdarlaýyn uıymdastyrý boıynsha jumys júrgizilýde. Sarapshylar qaýymdastyǵymen birlesip, bolashaqta suranysqa ıe mamandyqtardyń boljamdy tizimin jasaý josparda.
«Jas maman» jobasy aıasynda materıaldyq-tehnıkalyq bazany nyǵaıtý maqsatynda kolledjder túrli salalar boıynsha zamanaýı qurylǵylarmen jabdyqtalyp jatyr. Dotatsııalyq kolledjderdi iri kásiporyndarǵa senimdi basqarýǵa berý múmkindigi qarastyrylýdy. Memlekettik tapsyrys aıasynda jumys isteıtin jeke kolledjderde stýdentterdi jumysshy mamandyqtary boıynsha oqytý múmkindigin qarastyrý usynylady.
Sonymen qatar, basqa qaladan syrttan stýdentterge arnalǵan jataqhanalardaǵy oryndar máselesi kezeń-kezeńimen sheshilýde. Ótken jyly Túrksib aýdanynda №1 pedagogıkalyq kolledjiniń 300 oryndy jańa jataqhanasy paıdalanýǵa berildi.
Kelesi jylǵa 600 oryndy eki jataqhana qurylysynyń JSQ ázirlenýde. Máselen, Jetisý aýdanynda jumys istep turǵan avtomehanıkalyq kolledj janynan jataqhana salý, sondaı-aq Alataý aýdanynda jataqhanasy bar jańa kásiptik-tehnıkalyq kolledj salý josparlanýda. Qurylys jumystaryn bastaý 2022 jylǵa josparlanǵan.