Almatyda tehnıkalyq termınderdiń sózdigi tanystyryldy
ALMATY. 10 maýsym. QazAqparat /Erbol Azanbek/ - Qazaqstanda tuńǵysh ret «Oryssha-qazaqsha-aǵylshynsha polıtehnıkalyq sózdik» jaryq kórdi. Búgin Almatyda ótip jatqan «Bilim berýdegi ózgerister: jańa shekara men basymdylyqtar» atty halyqaralyq konferentsııa barysynda onyń tanystyrylymy boldy.
Sózdik QR Mádenıet mınıstrligi Til komıtetiniń tapsyrysy boıynsha jasalǵan. Úshtildi sózdikte 78 tehnıkalyq sala boıynsha 80 000 tehnıkalyq termın men sóılem tirkesteri berilgen. Sózdikti shyǵarý barysynda 70 sózdik qoldanylǵan. Bundaı kólemdegi sózdiktiń basy qosylyp, bir jınaqqa biriktirilýi birinshi ret.
Sózdik avtorlarynyń biri, QR Pedagogıka akademııasynyń basqarma tóraǵasy, QR Memlekettik syılyǵynyń ıegeri Asqarbek Qusaıynovtyń aıtýynsha, ınjenerlik bilim berý men tehnıkalyq ǵylymnyń sapasyn arttyrý úshin salalyq termınderdiń naqtylanýy kerek boldy. Sózdik osy maqsatty oryndap otyr. «Sózdik joǵary oqý oryndaryndaǵy ǵalymdar men aspıranttar, ustazdar men stýdentterge, aýdarmashylar men ǵylymı-tehnıkalyq ádebıetti qazaq, orys, aǵylshyn tilderinde oqıtyn oqyrmandar úshin qajet», -dedi sózdik avtorlarynyń biri.
