Almatyda tehnıkalyq qyzmet kórsetý stansasyndaǵy órtten 30 adam evakýatsııalandy
ALMATY. QazAqparat - Almatyda tehnıkalyq qyzmet kórsetý stansalarynyń birinde órt shyqty, órt sóndirýshiler gaz ballondarynyń jarylýynyń aldyn aldy, dep habarlaıdy «QazAqparat» HAA tilshisi.
Qalalyq TJD derekterine sáıkes, órt Naýryzbaı aýdanynda, Qalqaman-2 shaǵynaýdanynda Saǵatov 2 mekenjaıynda bolǵan. Tilsiz jaý týraly habarlama búgin tańǵy 07:55-te túsken, alǵashqy jedel top oqıǵa ornyna 08:05-je jetti.
«Órt sóndirýshiler kelgenshe TQKS órti japsarlas úı-jaılarǵa - jeke turǵyn úıdiń shatyry men barak túrindegi ýaqytsha turaqqa ótip úlgergen. Biri-birine jaqyn salynǵan turǵyn úılerden 30 adam kóshirildi, onyń beseýi balalar. Otty sóndirý barysynda 5 gaz ballony syrtqa shyǵaryldy», - dep habarlady Almaty qalalyq TJD resmı ókili Sandýǵash Baımuhambetova.
Órt 08:32-de toqtatyldy jáne 40 mınýttan keıin, saǵat 08:45-te tolyq sóndirildi.
Órt saldarynan 4 avtokólikke zaqym keldi. Órttiń jalpy aýmaǵy 290 sharshy metrdi qurady.
