Almatyda tehnıka dúkenderiniń taýaryn qoınyna tyǵyp alyp ketip júrgen ury ustaldy

ALMATY. QazAqparat - Almatyda 32 jastaǵy aqmolalyq tehnıka dúkenderin tonap ketti, dep habarlaıdy QazAqparat tilshisi Polisia.kz. silteme jasap.

Jedel-izdestirý is-sharalarynyń nátıjesinde polıtsııa qyzmetkerleri qylmys jasady degen kúdikpen Aqmola oblysynyń turǵynyn anyqtady jáne ustady.

«Kúdiktige qatysty QR QK-niń 188-baby 3-bóliginiń 2-tarmaǵy boıynsha sotqa deıingi tergeý bastaldy. Ustalǵan azamat tehnıka dúkenderin aralap júrip, sórelerden uıaly telefondar, qulaqqaptar jáne basqa da kerek-jaraqtardy urlap, oljany kúrteshege nemese rıýkzakqa salyp, qylmys bolǵan jerden jasyrynyp júrgeni anyqtaldy. Ár joly er adam osyndaı ádispen áreket etken. Qazirgi ýaqytta tergeý ustalǵan azamattyń bótenniń múlkin urlaýdyń 8 epızodyna qatysy baryn dáleldedi», – dedi M.Áýezov aýdandyq polıtsııa basqarmasynyń bastyǵy Ulan Ábilqaıyr.

Belgili bolǵandaı, kúdikti urlanǵan múlikti satyp, odan túsken aqshany óz qajettine jumsaǵan. Kúdikti qamaýǵa alyndy.