Almatyda tegin syrǵanaý alańdary ashylady
ASTANA. QazAqparat - Almatyda Tuńǵysh Prezıdenti saıabaǵynyń aldynda 850 sharshy metrlik jańa muz aıdyny salynýda . Ol almatylyqtar men qala qonaqtary úshin táýlik boıy tegin jumys isteıdi.
Bul jobanyń uıymdastyrýshysy Almaty qalasynyń ákimdigi, dep xabarlaıdy QazAqparat aqparattyq jáne sporttyq xabqa silteme jasap.
Qazirgi ýaqytta, muz aıdynda qurylys jumystary júrgizilýde, jaqynda onyń saltanatty ashylý rásimi ótedi. Aıta ketsek, mundaı alańdar qarashanyń sońyna deıin Jibek joly - Abylaı han, Ál Farabı - Remızovka, Jandosov - Shaımerdenova kósheleriniń qıylysynda, «Mart» saýda ortalyǵynyń janynda jáne Jetisý aýdany ákimdiginiń mańynda ashylady. Osy týraly muz aıdyndardyń qurylysymen aınalysatyn Aksays Arena kompanııasynyń jetekshisi Muxamedjan Óser aıtty.
«Ashyq muz aıdynyn jasaý 10 kúndeı ýaqytty qajet etedi. Barlyq qalaýshylardyń kez kelgen ýaqytta óz konkılerimen kelip, tegin syrǵanaýǵa múmkindikteri bar. Sondaı-aq, 10.00-23.00 ýaqyt aralyǵynda kelýshiler úshin tamaqtaný dúkenderi, konkılerdi jalǵa alý ortalyqtary jumys isteıdi. Olardyń baǵasy da qoljetimdi bolady. Basqa muz aıdyndarymen salystyrǵanda konkıdi 2 saǵatqa jalǵa alý 500-600 teńgeden aspaıdy. Qazir muzdatqysh qurylǵylardy kútýdemiz, ony iske qosqan soń muzdatýdy bastaımyz»,- dedi Muhamedjan Óser.
Onyń aıtýynsha, bul muz aıdyndary jappaı syrǵanaýǵa, short-trek, konkı tebý, mánerlep syrǵanaý sııaqty qysqy sport túrlerin qala turǵyndary arasynda damytýǵa baǵyttalǵan. Tegin syrǵanaý alańdary qys mezgiliniń sońyna deıin isteıdi.
