Almatyda tegin muz aıdyndary jabylady
ALMATY. QazAqparat - Almatyda qys bastalǵaly beri 6 tegin muz aıdyny jumys istegen bolatyn, dep habarlaıdy QazAqparat.
Qalanyń ár aýdanynda ákimdiktiń bastamasymen ashylǵan sport alańdary osymen ekinshi jyl qatarynan jumys istep keledi.
«Muz aıdyndary Ortalyq mádenıet jáne sport saıabaǵynda, «Atakent» kórme ortalyǵynda, Qurmanǵazy (Baıseıitova men Panfılov qıylysynda), «Mart Village» saýda úıi aýmaǵynda, Tuńǵysh Prezıdent saıabaǵynda, «Saıran» avtovokzalynyń mańynda ornalasqan», - dedi jobanyń jaýapty tulǵasy Ánýar Óserov.
2-3 naýryz aralyǵynda muz aıdyndary resmı túrde jabylady.
Jabylý saltanatynda shoý baǵdarlama uıymdastyrylady.
«2 naýryzda 12:00-18:00 aralyǵynda «Atakent» mańynda maslenıtsa meıramy atalyp ótiledi. Bul jerde anımatorlar kóńil kóterip, túrli oıyndar bolady. 3 naýryzda 11:00-15:00 «Mart Village» aýmaǵynda balalarǵa arnalǵan kóńildi konkýrstar ótedi», - dedi Ánýar Óserov.
Aıta ketý kerek, Almatyda muz aıdyndary táýlik boıy ashyq. Tehnıkalyq úzilister bolyp turady. Konkı prokaty eki saǵatqa 700 teńgeden.
