Almatyda tegin muz aıdyndary ashyldy

ALMATY. Qazaqparat- Almatyda qala turǵyndary men qonaqtary úshin tórt jerde tegin muz aıdyny ashyldy, dep habarlaıdy QazAqparat tilshisi.

Olar mynaý meken-jaılarda ornalasqan:

- Tuńǵysh Prezıdent saıabaǵynyń aldynda;

- Respýblıka Saraıynyń aldynda;

- Áýezov aýdanynda Yqylas 8 d mekenjaıy boıynsha, Taýgúl sh/a;

- Shuǵyla shaǵyn aýdany, 347 mekenjaıy boıynsha Naýryzbaı aýdany ákimdiginiń aldynda.

Kelesi aptada Túrksib aýdany Seıfýllın, 13 mekenjaıy boıynsha №6 Oqýshylar úıiniń aldynda jáne Jetisý aýdanyndaǵy «Gúlder» saıabaǵynda muz aıdyndary ashylady.

Kirý – tegin, konkıdi jalǵa alý quny (2 saǵat) - 1000 teńge. Konkımen kelgenderge tegin.

Jalǵa berý pýnktteri jumys kúnderi 10:00-den 22:00-ge deıin jáne demalys kúnderi 10:00-den 23:00-ge deıin ashyq bolady.

Aıta keteıik, muz aıdyndary táýlik boıy jumys isteıdi.