Almatyda teatrlar jumysyna ruqsat berildi
ALMATY. QazAqparat - Almatyda teatrlardyń jumysyna ruqsat berildi. Bul týraly Almaty qalasynyń bas memlekettik sanıtarlyq dárigeriniń qaýlysynda aıtylǵan, dep habarlaıdy QazAqparat tilshisi.
Qaýlyǵa sáıkes, teatrlarda otyrý oryndarynyń tolýy 50% aspaýy tıis.
10 qarashadan bastap infokazakhstan.kz portalyna tirkelý arqyly jumys isteýge ruqsat etiledi.
«Mádenı nysandarda áleýmettik araqashyqtyq saqtalýy mindetti. Sondaı-aq, sanıtarlyq-dezınfektsııalyq rejım, jeldetý jáne aýany baptaý júıeleri úzdiksiz jumys istep turýy kerek. Oǵan qosa, aýany sáýlelendirý (kvarts) usynylady»,– delingen Almaty qalasynyń bas memlekettik sanıtarlyq dárigeri Jandarbek Bekshınniń koronavırýs ınfektsııasyn aldyn-alý jónindegi jańa qaýlysynda.
Sondaı-aq, 10 qarashadan bastap kúsheıtilgen sanıtarlyq-dezınfektsııalyq rejımdi saqtaı otyryp, dinı obektilerdiń qyzmetine ruqsat berildi.
