Almatyda «Teatr óneriniń ózekti máseleleri» atty H respýblıkalyq praktıkým ótedi
ASTANA. Sáýirdiń 9-y. QazAqparat /Ernur Aqanbaı/ - 2010 jylǵy sáýirdiń 11-i men 13-i aralyǵynda Almatyda sheteldik mamandardyń qatysýymen teatr óneri qaıratkerleriniń «Teatr óneriniń ózekti máseleleri» atty H respýblıkalyq praktıkýmy ótedi,
dep habarlaıdy QazAqparat.
Mádenıet mınıstrliginiń málimetinshe, Qazaqtyń M. Áýezov atyndaǵy memlekettik akademııalyq drama teatrynyń kishi zalynda bolatyn sharaǵa Qazaqstandaǵy teatrlardyń dırektorlary, kórkemdik jetekshileri jáne bas rejısserleri qatysatyn bolady. Kezekti respýblıkalyq forým sáýirdiń 12-de saǵat 10.00-de ashylady. Praktıkým jumysyna Reseıdiń eńbek sińirgen óner qaıratkeri, RF Mádenıet mınıstrligi janyndaǵy Sahna óneri qaıratkerleri joǵary mektebiniń negizin qalaýshy jáne dırektory, ekonomıka ǵylymdarynyń kandıdaty, professor Gennadıı Grıgorevıch Dadamıan qatysady.
Tyńdaýshylar úshin «Qazirgi kezeńdegi teatr óneriniń ózekti máseleleri» men «Teatrdaǵy akter men rejısser: shyǵarmashylyq jumystyń áleýmettik jaǵdaıy» taqyryptarynda semınarlar, Qazaqstannyń respýblıkalyq jáne oblystyq teatrlarynyń ózekti máseleleri jaıly jaryssózder ótedi.
