Almatyda "Teatr kóktemi" festıvali bastaldy

dep habarlaıdy QazAqparat.

"Bıyl 11-shi ret ótip jatqan bul festıval KSRO jáne QazKSR halyq artısi, Memlekettik syılyqtyń ıegeri Sábıra Maıqanovaǵa arnalyp otyr. Kórermen umytyp bara jatqan tulǵalar bolady. Olar týraly kitap shyǵaryp kórermeniń esine salý, oınaǵan qoıylymdaryn qaıta qoıý, akterge degen qurmet bolsa kerek", deıdi teatrdyń dırektory Esmuhan Obaev.

"Teatr kóktemi" Naýryz merekesi men Halyqaralyq teatr kúnine oraı jyl saıyn uıymdastyrylatyn jańa qoıylymdardyń festıvali. Onyń maqsaty - sahna óneriniń jaı-kúıin, rejıssýra, stsenografııa jáne akterlik ónerdegi kórkemdik izdenisterdi zerdeleý, qazaq sahnasynyń uly tulǵalaryn ulyqtaý. Sondaı-aq teatrdyń aǵa, orta jáne jas býynynyń shyǵarmashylyqtarymen jaqynyraq tanysýǵa múmkindik týdyryp, kórermenmen baılanysty jandandyrý. Dástúrli shara bıyl Tuńǵyshbaı ál-Tarazıdiń rejısserligimen qoıylǵan Úzeıir Ǵadjybekovtiń "Arshyn mal alan" mıýzıklimen ashyldy. Baǵdarlamada budan basqa Túnjer Jýjenoǵlynyń "Kóshkin" áfsanasy, Mar Baıdjıevtiń "Qylmys" dramasy, Tynymbaı Nurmaǵambetovtiń "Qojanasyr tiri eken" komedııasy, Dýlat Isabekovtiń "Muragerler" dramasy bar. Olarǵa Áshirbek Syǵaı, Álııa Bópejanova men Baqyt Nurpeıis qazylyq jasaıdy.