Almatyda "Teatr kóktemi - 2011" festıvali ótedi

Dástúrli túrde jyl saıyn Naýryz merekesi men 27 naýryzdaǵy Halyqaralyq teatr kúnine oraılastyrylyp ótkiziletin bul shara 16-ret uıymdastyrylyp otyr. Ol bıyl KSRO Halyq ártisi, Memlekettik syılyqtyń ıegeri Ydyrys Noǵaıbaevtyń týǵanyna 80 jyl tolýyna arnalmaq. Festıval teatrdyń búgingi baǵyt-baǵdaryn anyqtaýǵa, repertýar saıasatyndaǵy ózindik izdenisterge dramatýrgııa, rejıssýra, akter óneriniń búgini men erteńin zerdeleýge múmkindik beredi.

"Teatr kóktemi - 2011" festıvaliniń repertýaryna M. Áýezovtyń "Abaı", "Eńlik-Kebek" tragedııalary men N. Gogoldiń "Úılený", E. Jýasbektiń "Kúlemiz be, jylaımyz ba?..." jáne Á. Rahımovtyń "Qylmyskerge kýálik" komedııalary enip otyr. Bul shara kezinde teatr ujymy men kórermender arasynda kezdesýler ótkizilip, arnaıy kórme uıymdastyrylady.