Almatyda Tájikstannan kelgen stýdent PTR test anyqtamasyn satqan

ALMATY. QazAqparat - Almatyda Tájikstannan kelgen medıtsınalyq JOO stýdenti PTR test anyqtamasyn satqan, dep habarlaıdy QazAqparat tilshisi.

Bul týraly Facebook -tegi paraqshasynda Almaty qalalyq ІІD bastyǵynyń tergeý jumystary jónindegi orynbasary Rýstam Ábdirahmanov jazdy.

«Jedel is-sharalar barysynda anyqtalǵandaı, 25 jastaǵy H. esimdi medıtsınalyq ýnıversıtettiń stýdenti, jeke medıtsınalyq ortalyqtardyń birinde medaǵa bolyp jumys isteıdi. Bizge túsken jedel aqparat birneshe kún muqııat tekserildi. Jáne ol rastaldy. Er adam óziniń qyzmetin 20 myń teńgege baǵalaǵan. Bul fakt QR Qylmystyq kodeksiniń 385-baby boıynsha sotqa deıingi tergeýdiń biryńǵaı tiziliminde tirkeldi. Ustalǵan H. Óz kinásin moıyndady. Ol tek bir ǵana jalǵan qujat jasaǵanyn aıtty «, - dedi Rýstam Ábdirahmanov

R.Ábdirahmanov atap ótkendeı, qylmystyq epızodtardyń naqty sany qosymsha tergeý barysynda anyqtalady.