Almatyda Tájikstan azamattary óz jerlesin urlap, aqsha talap etti

ALMATY. QazAqparat - Almatyda Tájikstan azamattary óz jerlesterin urlap ketip, aqsha talap etti. Bul týraly qalalyq Polıtsııa departamentinen málim etti, dep habarlaıdy QazAqparat tilshisi.

Vedomstvo málimetinshe, 32 jastaǵy M.esimdi Tájikstan azamatynyń joǵalyp ketkeni týraly polıtsııaǵa onyń jerlesi aryz jazdy.

Er adamnyń aıtýynsha, azamat M. 13 tamyzda dosymen kezdesýge ketip, qaıtyp oralmaǵan.

Jedel tergeý toby quryldy. QR Qylmystyq kodeksiniń 125-baby (Adamdy urlaý) boıynsha qylmystyq is tirkeldi. M.-niń urlanǵanyn, ony qaı jerde kúshpen ustap otyrǵanyn anyqtadyq. Belgili bolǵanyndaı, Almatynyń Medeý aýdanynda páter jalǵa alynǵan.Polıtsııa arnaıy jasaqtarynyń kómegimen arnaıy is-shara júrgizildi. 20 myń dollar kóleminde ótemaqy talap etý úshin otandasyn urlap ketken Tájikstannyń 6 azamaty ustaldy. Olar ony uryp-soǵyp, búkil protsesti vıdeoǵa túsirgen

, – deıdi Almaty qalalyq PD uıymdasqan qylmysqa qarsy kúres basqarmasynyń bastyǵy Janat Nurǵalıev.

Polıtsııa ókiliniń aıtýynsha, kúdiktiler ýaqytsha ustaý ızolıatoryna qamaldy. QR QPK-niń 201-babyna sáıkes, ózge aqparat tergeý múddesine oraı jarııalanbady.