Almatyda tazalyqty nasıhattaıtyn #TazaTaý kórmesi ashyldy
ALMATY. QazAqparat - Ekologııany qoldaýshy #TazaTaý bastamashyl tobynyń belsendileri tabıǵat aıasynda ózin-ózi durys ustaýdy nasıhattaıtyn plakattar kórmesine qatysatyn jumystardy tańdap aldy. Kórme 26 sáýirde Almatyda ashylyp, 4-inshi sáýirge deıin jalǵasady, dep habarlaıdy QazAqparat.
Keıin jumystar Іle-Alataý ulttyq tabıǵı parkinde qoıylady.
Art-joba tabıǵatty lastaýshylarmen kúreske arnalǵan. Ony uıymdastyrýshylar qatysýshylardan shara aıasynda taýdaǵy tazalyqty saqtaýdy nasıhattaý maqsatynda jasalǵan plakattarmen jeke paraqshalarynda bólisýdi suraıdy.
Birlesken jumystyń mańyzdylyn ataı otyryp, eko-belsendi jáne #TazaTaý ekologııany qoldaýǵa arnalǵan bastamanyń basty uıymdastyrýshysy Ajar Jandosova: «Іle-Alataý ulttyq tabıǵı parki qyzmetkerleriniń málimetinshe, parkke jaqyn ornalasqan Býtakovka, Qımasar, Almarasan baǵytynyń ózinen-aq jyl saıyn 700-den 900 tonnaǵa deıin qoqys shyǵarylady eken. Al elimiz boıynsha tabıǵattaǵy tazalyq máselesi adam shoshyrlyq jaǵdaıda, al muny biz birlesip toqtatýymyz kerek», - dedi.
Kórmede 27 qatysýshynyń túrli janrdaǵy 42 jumysy qoıylady. Qazaqstandyq sýretshiler, ıllıýstratorlar men dızaınerlerden baıqaý aıasynda kelip túsken barlyq jumystar ádil qazylar alqasynyń biraýyzdan shyǵarylǵan sheshimimen kórmege qoıylatyn boldy. Baıqaý jeńimpazdary vernısajda jarııalanady.
Art-kýrator Olıa Veselovanyń aıtýynsha, baıqaýǵa qatysýshylardan bólek kórmede álemge áıgili Georgıı Trıakın-Býharov, Sáýle Súleımenova, Shamıl Gýlıev sekildi sýretshilerdiń qorshaǵan ortaǵa zııanyn erekshelep kórsetetin kartınalary qoıylady. Plastic_Harahura tobynyń qaıta óńdelgen plastıktan jasalǵan skýlptýrasy ekspozıtsııanyń bóligi bolady.
