Almatyda «Taza qala» aktsııasynyń ekinshi kezeńi jalǵasýda
ALMATY. Qazannyń 29-y. QazAqparat /Názıra Eleýhan/ - Almaty polıtsııasy «Taza qala» aktsııasynyń ekinshi kezeńin jalǵastyrýda.
Ótken kúnderdiń ishinde 167 zań buzýshylyq tirkelip, 1 mln. teńgege deıin aıyppul salynǵan. Polıtsııa qyzmetkerleriniń aıtýynsha, qalada kóbine jeke tulǵalar qoqystar tastaıdy, 167 aıyppul salynǵandardyń 19-y zańdy tulǵalar.
"Bul jolǵy aktsııa qala ákiminiń jáne ІІD basshylarynyń buıryǵymen ótkizilýde. Adamdar kóp shoǵyrlanǵan jerlerge basa nazar aýdaramyz. Nátıjesinde 172 saýda oryndary joıyldy, 64 dúńgirshek qaıta jóndeldi, bes kontrafaktilik ónimdermen saýda jasaý faktileri tirkelip, 500-den asa qaraqshylyq dıskiler tárkilendi", -dep tap ótti Almaty qalasy ІІD-niń qoǵamdyq qaýipsizdik basqarmasy bastyǵynyń orynbasary Serik Qazybaev.
Onyń aıtýynsha, ýchaskelik ınspektorlar úılerdiń aralaryn, ásirese, kúl-qoqys salatyn oryndardy tekserýde. "Jaqynda qoqys shyǵaratyn uıymdardyń óz jumystaryn durys atqarmaıtyny týraly birneshe jaǵdaılar tirkeldi. Uıym basshylaryna 42 myń 390 teńgeniń aıyppuly salyndy. Sonymen qatar kólik jýatyn oryndar tazalyq erejelerin buzǵandyqtan 56 myń 520 teńge aıyppul tóledi. Aktsııa nátıje berýde. Almatylyqtar qazir qalanyń tazalyǵy jaıynda oılana bastady jáne kóshege qoqys tastaý da azaıdy",- dedi Serik Qazybaev.
«Taza qala» aktsııasynyń ekinshi kezeńi qazan aıynyń 31-ne deıin jalǵasady.
