Almatyda taıaýda ǵana jóndelgen kósheniń tas tósenishin almastyryp jatyr
ALMATY. QazAqparat - Almatydaǵy Panfılov kóshesinde Qabanbaı batyr kóshesine jaqyn jerdegi jaıaý júrginshiler jolaǵynyń tas tósenishin almastyryp jatyr, dep habarlaıdy «QazAqparat» HAA tilshisi.
Búgin, jóndeý jumystarynyń júrgizilýine baılanysty, Panfılov kóshesiniń jaǵasyndaǵy jaıaý júrginshiler jolaǵy jabyldy. Qala ákimdiginiń qyzmetkerleri osy jaǵdaı týraly pikir bildirdi.
«Merdiger uıym kepildi mindettemeleri aıasynda, aıtylǵan eskertpelerdi óz qarajattary esebinen oryndap jatyr», - deıdi Almaty ákimdiginiń ókilderi.
Ótken aptada ákimdik qyzmetkerleri Almatydaǵy LRT qurylysyna baılanysty Panfılov kóshesinen ınjenerlik jelilerdiń qalaı shyǵarylatynyn aıtqan bolatyn.
Eske sala keteıik, jóndelgen kóshe byltyr Memleket basshysyna kórsetilgen edi.
