Almatyda táýlik boıy jumys isteıtin eki kitaphana ashyldy
Almaty qalasynyń mádenıet basqarmasy qala ákimdiginiń qoldaýymen Almaty kitaphanalarymen birlesip «Alatau Creative Hub» ortalyǵy men Jambyl atyndaǵy qalalyq jasóspirimder kitaphanalarynyń bazasyn ashý jóninde bastama kóterdi.
«Táýlik boıy jumys isteıtin kitaphananyń jańa jumysy almatylyqtarǵa berilgen yńǵaılylyq pen resýrstardy kez kelgen ýaqytta paıdalanýǵa múmkindik beredi. Bul tásil sonymen qatar shyǵarmashylyqty yntalandyrýǵa jáne ártúrli akterlar arasyndaǵy yntymaqtastyqty jeńildetýge yqpal etedi»,- dep habarlady Almaty ákimdiginen.
Aıta keteıik Alatau Creative Hub talanttar men kreatıvti ındýstrııalardy damytý úshin qolaıly orta qurý maqsatynda «Sheksiz qala» strategııasyn iske asyrý aıasynda ashyldy.
Ortalyq barlyq tilek bildirýshilerdiń jan-jaqty damýy úshin biregeı múmkindikter usynady.
Munda oqyrman ádebıettiń baı assortımenti bar kitap buryshtarymen tanysyp, baǵdarlamalaýdy meńgere alady, óner men shyǵarmashylyq salasyndaǵy daǵdylaryn damyta alady.
Eske salaıyq, osy jyldyń maýsym aıynda Túrkistanda ótken «Ádiletti Qazaqstan – Adal azamat» ulttyq quryltaıynyń ekinshi otyrysy barysynda Qasym-Jomart Toqaev 24/7 (táýligine 24 saǵat, aptasyna 7 kún) rejımde jumys isteıtin kitaphana qurý ıdeıasyn aıtqan bolatyn.
