Almatyda taýǵa shyǵyp ketken 3 qyz qutqaryldy
ALMATY. QazAqparat - Almatyda taýǵa shyǵyp ketken 3 qyz shuǵyl qutqaryldy, dep habarlaıdy QazAqparat tilshisi QR ІІM TJK baspasóz qyzmetine silteme jasap.
«4 mamyrda kezekshi pýltine úsh qyz taýda qalǵany týraly habarlama tústi. Qyzdar Kókjaılaý shatqalyna túnep shyqpaq bolǵan. Kúndiz kún shyǵyp turǵanda olar shatyr tigip, taýda ornalasqan. Al keshke kún kúrt sýytyp, jaýynnyń arty qarǵa ulasqan. Aýa temperatýrasy kúrt tómendegen. Týrıst qyzdar aýa raıynyń bulaı qubylýyna daıyn bolmaǵan. Jeńil kıinip alǵandyqtan, olar óz betterimen taýdan túse almaı qalǵan», - dedi baspasóz qyzmetinen.
6 qutqarýshy shuǵyl túrde taýǵa kóterildi. Túngi 01:50 shamasynda malmandaı sý bolyp, tońǵan qyzdar qutqaryldy. Qutqarýshylar olardy kórpemen orap, ystyq shaı bergen.
Keıin qujattardy rásimdegen soń qyzdar úılerine jetkizildi.
«Taýǵa shyǵar kezde aýa raıy boljamyn qarap shyǵýǵa keńes beremiz. Taýda qalaǵa qaraǵanda únemi sýyq bolady. Jyly kıim, qajetti qural-jabdyq alǵandaryńyz jón», - dedi qutqarýshylar.
