Almatyda Táýelsizdiktiń 30 qurdasynyń ádebı shyǵarmalary jaryqqa shyqty

ALMATY. QazAqparat- Almaty qalasynyń ákimi Baqytjan Saǵyntaev qalada turatyn Jazýshylar odaǵynyń 136 múshesiniń, sonyń ishinde Táýelsizdiktiń 30 qurdasynyń kitaptarynyń tusaýkeserine qatysty, dep habarlaıdy Qazaqparat tilshisi.

Qazaqstan Respýblıkasy Táýelsizdiginiń 30 jyldyǵyn merekeleý aıasynda Almatyda turatyn 136 avtordyń, Jazýshylar odaǵy músheleriniń kitaptary basyp shyǵaryldy. Jazýshylardyń, sonyń ishinde Táýelsizdiktiń 30 qurdasynyń ádebı shyǵarmalary 102 myń danamen jaryq kórdi.

Qala ákimi Baqytjan Saǵyntaev jazýshylardy kezekti basylymmen quttyqtap, olardyń Táýelsizdiktiń qalyptasý tarıhyn uǵynýdaǵy jáne óskeleń urpaqty tárbıeleýdegi mańyzdy rólin atap ótti.

2020 jyly qazaq ádebıetinde erekshe oryn alatyn 30 avtordyń shyǵarmalary jaryq kórdi. 64 myń dana taralymmen jaryq kórgen bul eńbekterdiń ishinde Ánýar Álimjanov, Qabdesh Jumadilov, Qajytaı Іlııasov, Jarken Bódesh syndy klassıkterdiń kitaptary da bar.

Almaty ákimdiginiń qoldaýymen jaryq kórgen barlyq kitaptar qalalyq kitaphanalardyń qoryn tolyqtyrady.

Іs-shara barysynda qazaq aqyn-klassıkteriniń 24 kitap-albomynyń tusaýkeseri ótti.