Almatyda «Táýelsizdik tiregi - memlekettik til» atty jıyn ótti
ALMATY. Qyrkúıektiń 20-sy. QazAqparat /Ádilet Musahaev/ - Búgin Almatyda «Nur Otan» HDP-nyń uıymdastyrýymen «Táýelsizdik tiregi - memlekettik til» atty taqyrypta «dóńgelek ústel» ótti,
dep habarlaıdy QazAqparat.
Qazirgi tańda memlekettik tildiń mártebesin arttyrý maqsatynda Úkimet, azamattyq qoǵamnyń barlyq ınstıtýttary túrli keshendi sharalar ótkizip jatyr. Zańnama talaptaryna sáıkes QR árbir azamatynyń memlekettik tildi meńgerýi tıisti bolǵandyqtan, atalǵan mekemelerde osy máselege erekshe nazar aýdarylýda. Azamattyq qoǵam tarapynan elimizdiń barlyq jerlerinde árbir qazaqstandyqtardy memlekettik til - qazaq tilin ardaqtaýǵa, onyń qoldanylý aıasyn keńeıtýge baǵyttalǵan ótkizilip jatqan sharalary jetip jatyr.
Atalmysh shara qazaq tiliniń damýyna úles qosyp júrgen qaıratkerler men jastardyń qatysýymen ótkizildi. Jıynǵa qatysýshylar qazaq tiliniń búgingi halimen ony meńgerý turǵysyndaǵy oılaryn bildirdi. Sonymen qatar qazaq tili álemdegi eń áýezdi, ásem úndi tilderdiń qataryna jatatyndyǵy aıtyldy.
Sonymen qatar, memlekettik tildiń qoldaný aıasyn keńeıtý maqsatynda mektep oqýshylary arasynda ótkizilgen «Ana tilim - ardaǵym» taqyrybyndaǵy shyǵarmalar baıqaýynyń qorytyndysy jarııalandy.
