Almatyda «Táýelsiz Qazaqstan áıelderi» atty kitap kórmesi ashyldy

Kórme úsh bólimnen turady. Birinshi bólim «Qazaqstannyń isker áıelderi» dep atalady. Bul bólimde Qazaqstan Respýblıkasynyń «Erler men áıelderdiń teń quqyqtarynyń jáne teń múmkindikteriniń kepildikteri týraly» zańy, elimizdiń genderlik saıasatynyń materıaldary men qujattary qoıyldy. Olar: «Qazaqstandaǵy genderlik zertteýler», «Genderlik zertteýler, genderlik saıasat jáne Ortalyq Azııadaǵy áıelder qozǵalysy: sebebin anyqtaý», «Qazaqstandyq isker áıelder» jáne t.b. qoıyldy.

Kelesi bólim «Ana - ǵumyr» dep atalady. Munda, Qazaqstan aqyn-jazýshylarynyń, kórnekti qaıratkerlerdiń ardaqty analar týraly eńbekteri qoıyldy. Olardyń arasynda belgili jazýshy, dramatýrg Tahaýı Ahtanovtyń tańdaýly dramalyq týyndylary, qazaq halqynyń qaharman perzenti Baýyrjan Momyshulynyń «Mýzeı apa» atty áńgimeler jınaǵy, Halyq jazýshysy Ázilhan Nurshaıyqovtyń eńbekteri jáne t.b. kóptegen materıaldar bar.

Úshinshi bólim «Qazaqstan óneriniń juldyzdary» dep atalady. Bul bólimge Keńes Odaǵynyń halyq ártisi, qazaq halqynyń bulbuly Kúlásh Baıseıitova, QR Halyq qaharmany Roza Baǵlanova, KSRO halyq ártisi Bıbigúl Tólegenova, halyq ártisi Shara Jıenqulova, Ámına Ómirzaqova jáne taǵy da kóptegen aty tanymal áıelder týraly kitaptar men qujattar qoıyldy.