Almatyda táýelsiz baıqaýshylar shtaby quryldy
Shtab jastardyń jáne balalar úıleri túlekteriniń áleýmettik máselelerin sheshýmen aınalysatyn Qazaqstan Respýblıkasynyń «Jastarǵa jol» qoǵamdyq qorynyń uıymdastyrýmen quryldy.
«Bıyl bizdiń qordyń qurylǵanyna bes jyl toldy. Osy ýaqyt aralyǵynda bizdiń qor aıtarlyqtaı damydy. Búgin biz ádil jáne ashyq qoǵam qurýǵa tikeleı qatysa alatyn dárejege jettik. Bir-eki aı buryn belgili qoǵam qaıratkeri Aıgúl Soloveva «Saılaýda beıtarap jáne shynaıy baıqaý týraly» Hartııa qurý ıdeıasyn aıtqan bolatyn. EQYU qaǵıdattary men demokratııalyq saılaý standarttary týraly konventsııaǵa negizdelgen qoldaýǵa shaqyrý týraly habarlama áleýmettik jelilerde jáne brıfıngterde ornalastyryldy. Bul bastamany kóptegen progressıvti áleýmettik belsendiler qoldady», - dedi «Jastarǵa jol» QQ prezıdenti Rafael Hasanov.
Shtabta qazirdiń ózinde aldaǵy saılaýdy baıqaýǵa belsendi qatysqysy keletin júzden astam adam bar. Qor shtabqa saıası uıymdarmen baılanysy joq, biraq óz elderinde bolyp jatqan oqıǵalarǵa beı-jaı qaramaıtyn, ádil jáne ashyq qoǵam qurýǵa tikeleı qatysýǵa nıetti eriktilerdi shaqyrady.
Qoǵam qaıratkeri Andreı Andreevtiń aıtýynsha, qazir jastar eldiń saıası ómirine kóbirek atsalysady.
«Daýys berý qajet. Bizdiń mindetimiz - saılaýdyń zańǵa tolyq sáıkes keletindigine kóz jetkizý. Biz úshin saılaýdyń ashyq bolýy mańyzdy. Eń bastysy - bári adal jáne ádiletti ótse bolǵany», - dep atap ótti spıker.
