Almatyda taýdyń qunarly topyraǵyn urlaǵandar jazalanady
«Tabıǵat» ekologııalyq odaq tóraǵasynyń orynbasary Tımýr Eleýsizov óziniń Instagram paraqshasynda taýly aýmaqtaǵy qunarly topyraq qabatyn satý úshin qazyp tastaǵany týraly vıdeojazba jarııalaǵan edi.
Atalǵan fakti boıynsha tergeý bastaldy. Bul is Almaty mamandandyrylǵan ekologııalyq prokýratýrasynyń baqylaýynda.
«Almaty qalasynyń mamandandyrylǵan ekologııalyq prokýratýrasy ekologııalyq polıtsııa bólimine jáne Almaty qalasy boıynsha qala qurylysy basqarmasynyń jer qatynastary salasyndaǵy ýákiletti organǵa jaýaptylarǵa shara qoldaný jáne olardy jaýapkershilikke tartý týraly nusqaý berdi. Zańbuzýshylyq úshin 10-nan 50 AEK-ke deıin aıyppul salynady», - dep habarlady qalalyq prokýratýra.
Buǵan deıin Almatyda belgisiz bireýler jekemenshik alma baǵynyń aǵashtaryn kesip tastaǵan bolatyn. Polıtsııa turǵyndardyń shaǵymynan keıin tergeýdi bastady.