Almatyda taýdan tabylǵan kelinshek áli jansaqtaý bóliminde jatyr
ALMATY. QazAqparat – Almaty taýynan tabylǵan týrıst Álııa Qamıeva áli jansaqtaý bóliminde jatyr. Bul týraly №7 qalalyq klınıkalyq aýrýhananyń baspasóz qyzmeti málim etti, dep habarlaıdy QazAqparat tilshisi.
«Naýqastyń jaǵdaıy birqalypty aýyr, jansaqtaý bóliminde jatyr. Onyń densaýlyǵynda eshqandaı oń ózgeris baıqalmaıdy. Esin jıdy. Sóıleı alady. Alaıda áli de jaǵdaıy turaqty aýyr dep baǵalanyp otyr», - dep habarlady №7 qalalyq klınıkalyq aýrýhananyń baspasóz qyzmeti.
Buǵan deıin, týrıst qyzdy taýdan túsirý úshin tikushaq jiberilgenin jazǵan bolatynbyz.
Eske salaıyq, 31 jastaǵy Álııa Qamıeva 5 shildede úıinen shyǵyp ketip, qaıtyp oralmaǵan.
Onyń anasy 7 shilde kúni qutqarýshylarǵa júgindi. Kýágerler almatylyq qyzdy sońǵy ret Úlken Almaty kóliniń mańynan kórgen.
Іzdestirý-qutqarý jumysyna qutqarýshylardyń maksımaldy kúsh-quraldary jiberildi.
Atap aıtar bolsaq, onda respýblıkalyq jedel-qutqarý jasaǵynyń qyzmetkerleri, kınologııalyq esep, «109» qutqarý qyzmeti, 75 volonter bar.
