Almatyda taýda joǵalǵan qyzdy izdeý sharalary toqtatyldy
ALMATY. QazAqparat – Úlken Almaty kóliniń mańyna serýenge shyǵyp joǵalyp ketken týrıst qyzdy izdestirý sharalary toqtatyldy, dep habarlaıdy QazAqparat tilshisi.
«Keshe týystary habarlasyp, qyzdy izdeýdi toqtatýdy ótindi. Sebebin bilmeımiz. Qyz tabylǵan bolýy múmkin», - dedi QR ІІM TJK Respýblıkalyq qutqarý jasaǵynyń baspasóz qyzmetinen.
Aıta ketý kerek, boıjetkenniń joǵalyp ketkenin aıtyp týystary 10 qarasha kúni keshke dabyl qaqqan. Olardyń sózinshe, qyz sońǵy ýaqytta taý týrızmimen aınalysyp júrgen.
9 qarasha saǵat 13:00 shamasynda ol Úlken Almaty kólinde túsken fotosyn áleýmettik jelige jarııalaǵan. Odan keıin baılanysqa shyqpaǵan.
Habarlamadan soń qutqarý jasaǵy aýa raıynyń qolaısyzdyǵyna, túk kórinbeıtin qarańǵylyqqa qaramastan túnimen izdedi.
Іzdeý sharalaryna, sonymen qatar, 11 adamnan turatyn kınologııalyq quram jumyldyryldy.
