Almatyda taýda joǵalǵan qyz bir aptadan beri tabylmaı jatyr
ALMATY. QazAqparat – Almatyda taýda joǵalyp ketken týrıst qyz Ásel Panarǵalıeva áli tabylmaı jatyr. Boıjetkendi qutqarýshylar bir aptadan beri izdep jatyr, dep habarlaıdy QazAqparat tilshisi.
«Ókinishke oraı, áli tabylmady. Іzdeý jumystaryn jalǵastyryp jatyrmyz», - dedi QR ІІM TJK Respýblıkalyq jedel qutqarý jasaǵy baspasóz qyzmeti.
Eske salaıyq, boıjetkenniń joǵalǵany týraly 10 qarasha kúni belgili boldy. Ol taý týrızmmen aınalysyp júrgen. 9 qarasha saǵat 13:00 shamasynda ol Úlken Almaty (Josaly) kólinde túsken fotosyn áleýmettik jelige jarııalaǵan.
Odan keıin baılanysqa shyqpaǵan. Buǵan deıin júrgizilgen izdestirý jumystary qyzdyń týystarynyń ótinishi boıynsha toqtatylǵan bolatyn.
Biraq keıin Á.Panarǵalıevanyń jaqyndary izdestirýdi jalǵastyrýdy qaıta surady.
Sonymen qatar, qyzdy izdestirýge alpınıster de jumyldyryldy.
Munyń aldynda Kosmostantsııa aýdanynda 9 qarashada saǵat 13:00-der shamasynda qyzdyń taýdan túsip kele jatqanyn adamdar kórgen. Odan keıin polıtsııa qyzdyń telefony arqyly qalanyń ár buryshynan telefon qońyraýlary jasalǵanyn anyqtady.
