Almatyda taýda qulaǵan týrıst qutqaryldy
ALMATY. QazAqparat – Almatyda «Kimasar» asýynda jaraqat alǵan týrıst qyz qutqaryldy. Bul týraly QR ІІM TJK respýblıkalyq jedel qutqarý jasaǵy memlekettik mekemesine silteme jasap QazAqparat tilshisi habarlaıdy.
Bir qyz, bir jigit Fýrmanov shyńyna bet alǵan. Jolda týrıst qyzdyń aıaǵy taıyp ketip, qulap arqasyn aýyr jaraqattap alǵan. Olar birden qutqarý qyzmetine habarlasqan.
QR ІІM TJK respýblıkalyq jedel qutqarý jasaǵynan bólek qutqarý jumystaryna Almaty qalalyq Qutqarý qyzmeti qosyldy.
Ekige bólingen qutqarýshylar jaraqat alǵan týrısti birden tapty. Boıjetkenge medıtsınalyq kómek kórsetildi.
