Almatyda taýda adasyp ketken týrıster tabyldy
ALMATY. QazAqparat - Almatyda Kókjaılaýdan Almaarasanǵa bara jatyp taýda adasyp ketken týrıster tabyldy, dep habarlaıdy QazAqparat tilshisi.
QR ІІM TJK baspasóz qyzmetiniń habarlaýynsha, túngi saǵat 22-ler shamasynda Respýblıkalyq qutqarý jasaǵyna týrısterdiń jaqyndary habarlasqan.
Belgili bolǵandaı, 27 jáne 35 jastaǵy eresek pen 7 jasar ul bala «Prosveşenets» demalys úıinen Kókjaılaý shatqalyna qaraı joǵary shyǵyp ketken.
Qarańǵylyq qoıýlanǵan kezde taýǵa shyqqan úsheý kelgen jolynan adasyp qalǵan. Kınolog maman jáne ıisshil ıt, jedel toptyń 8 múshesi adasqandardy tez arada taýyp aldy. Abyroı bolǵanda, olarǵa medıtsınalyq kómektiń qajeti bolmady.
Qutqarýshylar taýǵa shyqpaq bolǵan týrısterge birqatar keńes beredi. Olardyń aıtýynsha, eń aldymen jaqyndaryna marshrýtty aıtyp ketýi tıis. Kún ystyq kúnderi mindetti túrde sý alýy kerek. Sonymen qatar, ár 100 metr kóterilgen saıyn aýa temperatýrasy 0,5 gradýsqa tómendeıtinin de umytpaý kerek.
