Almatyda «Taý jańǵyryǵy-2010» atty avtorlyq án festıvali ótedi
ALMATY. Tamyzdyń 26-y. QazAqparat /Názıra Eleýhan/- Almaty mańyndaǵy Medeý shatqalynda ornalasqan "Taý kúni" saýyqtyrý demalys ornynda tamyzdyń 28-30 aralyǵynda H-shy halyqaralyq «Taý jańǵyryǵy-2010» atty avtorlyq án festıvali ótedi,
dep habarlaıdy QazAqparat.
Bıyl festıval mere toıyn atap ótpek. Atalmysh sharany uıymdastyrýshy - kommertsııalyq emes, memelekettik emes «VIGÝS» avtorlyq ánder teatry" mekemesi. Festıval avtorlyq ánderdi qoldaý men ony nasıhattaýǵa, talantty avtorlar men oryndaýshylardy tabýǵa jáne olardyń shyǵarmashylyq dárejesin kóterýge baǵyttalǵan.
Osymen 10-shy ret ótetin festıval baıqaýlarmen bastalady. Baıqaý qorytyndysy tamyzdyń 30-y kúni gala-kontsert barysynda usynylmaq. Kontsert Qazaq sport jáne týrızm akademııasynyń zalynda ótedi. Onda eń úzdik ánderimen atalymdardyń laýreattary, ótken jylǵy bas júldeniń jeńimpazdary, festıvaldiń qonaqtary óner kórsetetin bolady.
